Golden Globes amp; Netflix

2020-08-14

《第73届金球奖》最佳剧集：《Mr. Robot》(戏剧类)及《Mozart in the Jungle》(音乐及喜剧类)，係咪实至名归？唔……

文：Yumi( iamyumi@gmail.com)

呢个礼拜冇乜新剧，我看了Fox的《Second Chance》首播集，故事设定吸引，如果有机会给你死后复生，再活一次，你会干甚幺？这个前设实在有无限可能，但编剧似乎信心不足，慌死观众会闷，硬生生加入啲唔好笑的错摸笑话，意图乜都有啲来取悦观众，well，取悦唔到我啰，不过会观察多一两集嘅。

为何《Transparent》是喜剧？

既然冇几可谈新剧，讲吓《金球奖》赛果。电影方面我不敢班门弄斧，《复仇勇者》攞晒最佳电影、导演同男主角我都觉赛果正常，但《火星任务》归类为喜剧，哈，都真係几好笑。同样提名乱咁嚟嘅情况出现喺电视方面，《Transparent》被归类为喜剧，套剧对性小众及trans people喺社会及家庭中所受的歧视，描写得好细緻深入，好多时都惨到笑唔出，你当佢喜剧咁睇，无异係送部剧去死啫，所以两项提名——最佳剧集及男主角(音乐及喜剧类)均落空了，我好戥此剧唔抵。

《金球奖》的公信力

要骂今届《金球奖》仲有大把。最佳剧集(戏剧类)由《Mr. Robot》夺得，获得提名但落败了的包括《Game of Thrones》、《Narcos》、《Outlander》同埋《Empire》，我明《Mr. Robot》讲电脑黑客及叙事手法係有新意，但后半已开始有烂烂地尾收唔到科之感，仲係第一季咋喎，已经无以为继，咁样都攞到best drama？！而最佳剧集(Limited Series及电视电影)，《Fargo》又输咗俾《Wolf Hall》，赢嘅赢得不明不白，输嘅又输得莫名其妙。

仲有最佳女主角(Limited Series及电视电影类别)竟然由Lady Gaga夺得，唔x係下话，难怪连主持人Ricky Gervais都兜口兜面挖苦话赢唔使开心、输咗唔使喊，毕竟金球奖係由一班唔够100友嘅荷李活外国记者协会选出嚟，根本无公信力；我等睇今个月18号公布的Critic Choice Awards好过，至少呢个係由北美地区规模最大的专业影评机构The Broadcast Film Critics Association颁发的奖项，提名及评审都严谨好多。

Netflix首月免费睇

最后，点都要提吓Netflix终于到港，登记首月免费，梗係要试吓，登记手续及使用介面都超简单，一讚；我用Apple TV睇，画质OK高清无窒过，呢点係基本要求，唔使讚；Netflix自家製作的剧集当然够update(除咗《House of Cards》，据闻係香港区版权问题)，但其他网络出品，放喺Netflix播的都唔係最新季度，呢点我面书朋友就狂骂，话咁样订嚟做乜，即係咁，呢个安排我理解喎，若果Showtime、AMC、CW等等有线网络出品都摆最update嘅喺Netflix度播，咁边个仲会去订佢哋？

美剧狂迷，剧龄超过十年，热爱电影，发现美剧有更大空间原原本本说故事，从此影视齐追，泥足深陷。